Rom 3:9-19 | SwhNEN | STEP | Tusemeje basi? Je, sisi ni bora kuwaliko wao? La hasha! Kwa maana tumekwisha kuhakikisha kwa vyovyote kwamba Wayahudi na watu wa Mataifa wote wako chini ya nguvu ya dhambi.

Romans 3:9-19

Wote Wametenda Dhambi

9 ^aTusemeje basi? Je, sisi ni bora kuwaliko wao? La hasha! Kwa maana tumekwisha kuhakikisha kwa vyovyote kwamba Wayahudi na watu wa Mataifa wote wako chini ya nguvu ya dhambi. 10 ^bKama ilivyoandikwa:

“Hakuna mwenye haki, hakuna hata mmoja.
11 Hakuna hata mmoja mwenye ufahamu,
hakuna hata mmoja amtafutaye Mungu.
12 ^cWote wamepotoka,
wote wameoza pamoja;
hakuna atendaye mema,
naam, hakuna hata mmoja.”
13 ^d“Makoo yao ni makaburi wazi;
kwa ndimi zao wao hufanya udanganyifu.”
“Sumu ya nyoka iko midomoni mwao.”
14 ^e“Vinywa vyao vimejaa laana na uchungu.”
15 ^f“Miguu yao ina haraka kumwaga damu;
16 maangamizi na taabu viko katika njia zao,
17 ^gwala njia ya amani hawaijui.”
18 ^h“Hakuna hofu ya Mungu machoni pao.”
19 ⁱBasi tunajua ya kwamba chochote sheria inachosema, inawaambia wale walio chini ya sheria ili kila kinywa kinyamazishwe na ulimwengu wote uwajibike kwa Mungu.